疫情期間，好多朋友聚會或生日慶祝都一次又一次延期，
終於都同姐妹夾好日子，去食我至愛的大頭蝦補祝返我倆的生日。
我一向都好鍾意食大頭蝦，
以前去台灣，都必定要去釣蝦，釣完即刻整嚟，非常鮮味。
知道泰國就興流水蝦食店，即撈即燒，又有泰國特色，又惹味。
可惜而家疫情全球流行，已經冇得再周圍飛去旅行，
不過為咗解一解抗疫疲勞，跟好姐妹去咗位於銅鑼灣食放題，
全港首間正宗曼谷流水蝦「泰夯蝦」！
以前去過位於新田的「泰夯蝦」，雖然「泰夯蝦」 已經撤離咗新田，
但就進駐咗九龍、港島區，更方便咗一眾OL 放工就可以去食流水蝦。
位於銅鑼灣的「泰夯蝦」 ，裝潢跟新田店很相似，依舊保留咗泰國風格，
而且明明是室內食燒烤，但就有種大自然融為一體的感覺，
好似有一條小河貫穿店中央，好靚、好有氣氛。
流水蝦燒烤任食2小時，成人每位$248 ，另加一服務費，成人每位送和牛一客。
任食流水蝦，即撈即燒，非常新鮮惹味！
撈起大頭蝦後，放入冰桶凍暈隻蝦先拎去燒，
燒之前，可以預先用鹽醃一醃，燒出嚟更香口惹味，
又或者可以放在燒烤爐燒時才灑鹽喺蝦面。
嘩嘩嘩..... 大頭蝦有好多蝦膏呀，好滿足呀！
燒生蠔鮮甜肥美，平時燒生蠔多數都係開蠔蓋嚟燒，
但就會燒到隻蠔收水好乾，
今次我就原隻未開蠔殼，原隻燒，
燒到蠔殼張開後先打開蠔蓋，就可以燒到鮮甜多水的燒生蠔，
因店家食材質素高，我倆除咗主打燒大頭蝦外，就係主打燒生蠔。
仲有一系列泰式風味熟食及炸物，「泰夯蝦」真係好多好食物選擇，
以為自己去咗酒店食自助餐添呀。
店內有個角落可以自己煮泰式船麵，
船麵湯底足料入味，一點都不馬虎，
去食燒烤之餘，一定要留肚試埋個船麵。
當然唔少得有甜品、雪糕、飲品都係飲食飲任啦，仲可以加錢飲原個椰青。
店裡有個大型飲品櫃可媲美便利店，有多款特別飲品，
第一次去食放題係因飲品而心心眼，多到令我選擇困難症發作，款款都想飲。
不停燒烤都唔覺得有煙味，係爐具設備的重要性，
加上經常會有店員幫個燒烤爐加水，就唔會燒出大量煙，值得一讚！
泰夯蝦～曼谷正宗流水蝦（香港）
.
銅鑼灣店：- 銅鑼灣堅拿道西10號冠景樓1B（鵝頸橋街市側）Facebook Fan Page：
https://www.facebook.com/sandywan.SweetieCorner
.
Instagram：
https://www.instagram.com/sandywan925
.
Email: sandywan.sweetiecorner@gmail.com
沒有留言:
發佈留言